Afrit sem eru til þegar á reynir.
Í stuttu máli
Við afritum kóða og gagnagrunn hvers verkefnis sem við rekum, á hverri nóttu. Afritin fara dulkóðuð í gagnaver í Hollandi og óbreytanlegt eintak er afritað áfram til Ítalíu. Tæknivaktin les svo öll verkefnin á hverjum morgni og lætur okkur vita þegar öryggisgalli finnst í hugbúnaði sem þau byggja á.
Tölurnar
- 03:00
- Afritun hefst á hverri nóttu og er reynd aftur 04:00 og 05:00 ef eitthvað bregst.
- 2 lönd
- Gagnaver í Hollandi og á Ítalíu, bæði innan .
- 35 dagar
- Á þeim tíma getur enginn eytt afriti eða breytt því, ekki heldur við.
- 07:00
- Tæknivaktin fer yfir öll verkefnin á hverjum morgni.
Afritavakt
Kóðinn og gögnin, á tveimur stöðum.
Afritavaktin tekur tvenns konar afrit af hverju verkefni: allan kóðann með allri sögu hans og fullt afrit af gagnagrunninum. Hvort tveggja fer sömu leið.
- 01
Sótt
Klukkan 03:00 sækjum við kóða verkefnisins, allar greinar og alla sögu, og tökum afrit af gagnagrunninum í einni samfelldri mynd.
- 02
Dulkóðað
Afritið er dulkóðað áður en það fer af stað. Lykillinn sem opnar það er geymdur utan kerfisins, svo þjónninn sem skrifar afritin getur ekki lesið þau.
- 03
Holland
Afritið er geymt hjá Wasabi í gagnaveri í Hollandi og læst í 35 daga. Á þeim tíma getur enginn eytt því, hvorki við, Wasabi né sá sem kæmist yfir aðgangslyklana okkar.
- 04
Ítalía
Óbreytanlegt eintak er afritað áfram í annað gagnaver á Ítalíu. Bilun, bruni eða flóð á öðrum staðnum snertir ekki hinn.
Staðfest, ekki bara sent
Hvert afrit er sannreynt eftir upphal. Kóðinn er prófaður gegn gátsummu sem git reiknar sjálft, og fjöldi raða í hverri töflu er borinn saman við gagnagrunninn sem afritað var úr. Afrit sem stenst ekki skoðun vekur viðvörun.
Vakt sem vaktar sig sjálf
Klukkan 09:00 er athugað hvort hvert verkefni eigi nýtt og staðfest afrit. Ef ekki fáum við póst, og hann kemur aftur á hverjum degi þar til málið er leyst.
Óháð hýsingunni
Afritin liggja hjá öðru fyrirtæki en því sem hýsir vefinn og gagnagrunninn. Lokist reikningur eða verði árás á hýsinguna standa afritin eftir.
Innan EES
Bæði gagnaverin eru innan . Afrit af persónuupplýsingum fara því aldrei út fyrir svæðið sem nær yfir.
Þrjú lög
Hvað hver aðili afritar, og hvað ekki
Afritavaktin er ekki eina vörnin. og , sem hýsa verkefnin, hafa sínar eigin. Þær gera ólíka hluti og það borgar sig að vita hvað hver þeirra nær yfir.
Hver útgáfa vefsins geymd
geymir hverja útgáfu vefsins sem sjálfstæða, óbreytanlega byggingu. Ef ný útgáfa veldur vandræðum færum við vefinn aftur á þá fyrri á nokkrum sekúndum, án þess að byggja neitt upp á nýtt. Tíu nýjustu útgáfunum og þeirri sem er í loftinu er aldrei eytt.
Geymir kóðann sem keyrir, ekki gögnin. Vercel afritar ekki gagnagrunninn.
Dagleg afrit af gagnagrunninum
, sem hýsir gagnagrunninn, tekur sjálft dagleg afrit á greiddum áskriftarleiðum og geymir þau í 7 til 30 daga eftir leið. Með þeim má færa gagnagrunninn aftur til fyrri dags.
Afritin liggja hjá sama fyrirtæki og gagnagrunnurinn sjálfur.
Okkar eigið afrit, utan hýsingarinnar
Kóði og gagnagrunnur, afritaðir á hverri nóttu, dulkóðaðir og læstir í tveimur löndum. Þetta er afritið sem stendur eftir þegar hin tvö duga ekki.
Óháð Vercel, Supabase og GitHub.
Tæknivakt
Öryggisgallar finnast, við uppfærum.
Hvert vefforrit byggir á hundruðum opinna pakka sem aðrir skrifa. Í þeim finnast reglulega öryggisgallar, og vefur sem enginn uppfærir verður berskjaldaðri með hverjum mánuði.
Tæknivaktin les á hverjum morgni nákvæmlega þær útgáfur sem keyra í hverju verkefni sem við rekum. Hún skoðar alla pakkana, líka þá sem aðrir pakkar draga inn, og ber þá saman við opinberan gagnagrunn yfir þekkta veikleika, þann sama og npm notar. Finnist eitthvað nýtt fáum við yfirlit í pósti.
Þegar alvarlegir gallar fundust í , rammanum sem flest verkefnin okkar byggja á, sýndi Tæknivaktin strax hvaða verkefni keyrðu útsetta útgáfu og hvaða útgáfa lagaði þá alla.
Veikleikar
Þekktir öryggisgallar í hvaða pakka sem er, flokkaðir eftir alvarleika. Þeir eru alltaf tilkynntir.
Nýjar aðalútgáfur
Ný aðalútgáfa af ramma eða lykilpakka kallar á skipulagða uppfærslu, ekki skyndiviðbrögð. Við fáum að vita af henni strax.
Enginn hávaði
Smáplástrar sjást á yfirlitinu en eru ekki sendir í pósti. Póstur sem berst á hverjum degi er póstur sem enginn les.
Spurt og svarað
Hversu oft er tekið afrit?
Á hverri nóttu. Afritunin hefst klukkan 03:00 og ef eitthvað bregst er reynt aftur klukkan 04:00 og 05:00. Klukkan 09:00 er athugað hvort öll verkefni eigi nýtt og staðfest afrit.
Getið þið lesið afritin?
Ekki þjónninn sem tekur þau. Afritin eru dulkóðuð með opinberum lykli og einkalykillinn sem opnar þau er geymdur utan kerfisins. Hann er aðeins sóttur þegar endurheimta þarf gögn.
Hvað ef Vercel eða Supabase lokar reikningnum?
Þá eru afritin enn til. Þau liggja hjá öðru fyrirtæki, á öðrum aðgangi, og út frá þeim getum við sett kóðann og gagnagrunninn upp á nýjum stað.
Hversu langt aftur ná afritin?
Hvert afrit er læst í minnst 35 daga og eldri afrit eru geymd áfram. Því má sækja gagnagrunninn eins og hann stóð hvaða nótt sem er frá því að verkefnið fór í afritun.
Eru myndir og skrár líka afritaðar?
Afritavaktin nær yfir kóða og gagnagrunn. Skrár sem notendur hlaða upp, svo sem myndir og skjöl, eru geymdar sér og eru heldur ekki í daglegum afritum Supabase. Ef verkefnið geymir skrár sem ekki mega tapast ræðum við hvernig best er að afrita þær.
Sjá einnig
Næst
Viltu vita hvernig vefurinn þinn er afritaður í dag?
Hafa samband →