02 / 07 · Ferðaþjónusta · Einkaferðir á jeppa2026

mudshark.is

Nýr vefur og bókunarkerfi MudShark á Hellu. Magnús H. Jóhannsson, doktor í grasafræði og vistfræði, ekur litlum hópum um Suðurland á breyttum Land Rover og segir frá gróðri og landslagi á leiðinni.

Heimsækja mudshark.is →

mudshark.is

Yfirlit

MudShark er lítil ferðaþjónusta á Hellu. Magnús H. Jóhannsson, doktor í grasafræði og vistfræði, fer með einkahópa á breyttum Land Rover Defender, sex gesti að hámarki. Gamli vefurinn var á Weebly, sem hættir starfsemi á Íslandi, og bókunarsíðurnar á honum voru orðnar tómar. Við smíðuðum nýjan vef á ensku og íslensku á og . Gestir velja dag, sjá hvað er laust og greiða með korti hjá . Magnús sér sjálfur um bókanir, ferðir, texta og pósta í stjórnborði á íslensku. Verkið tók 52 daga frá verklýsingu og vefurinn opnaði 14. október 2026.

Ferðaþjónusta · Einkaferðir á jeppa

Ferðasíða Landmannalauga á mudshark.is — Ferðasíða

Bókunardagatal með lausum dögum — Bókun, skref 1 af 3

Greiðslusíða sem greiðslutengill opnar — Greiðslutengill gestsins

Yfirlit stjórnborðsins með bókunum og sölu — Stjórnborð, yfirlit

Form til að skrá bókun úr síma — Skrá bókun úr síma

Bókun með greiðslutengli sem bíður greiðslu — Bókun, greiðslutengill og afbókun

Dagatal stjórnborðsins með lokuðum dögum — Dagatal

Ritill fyrir ferð með verði og stöðu — Ferðaritill

Pósttextar sem Magnús getur breytt — Pósttextar

Yfirlit yfir ferðir á mudshark.is — Ferðir

Íslensk forsíða mudshark.is — Íslenska útgáfan

Forsíða mudshark.is í dökku þema — Dökkt þema

Spurningar og svör á mudshark.is — Spurningar og svör

Spurningar og svör í síma — Spurningar í síma

Áskorun

MudShark er einn bíll og einn leiðsögumaður. Ef tveir hópar bóka sama morguninn verður annar þeirra fyrir vonbrigðum, svo bókunarkerfið má aldrei selja sama tíma tvisvar. Vefurinn talar fyrst við erlenda ferðamenn sem skipuleggja ferðina að heiman og vilja greiða strax. Sumir gestir hringja þó eða senda póst og greiða síðar. Gamli vefurinn var á Weebly og bókunarsíðurnar á honum voru orðnar tómar. Slóðirnar blönduðu saman há- og lágstöfum og aðrir vefir vísuðu á báðar útgáfur. Weebly hættir starfsemi á Íslandi árið 2026, svo gamli vefurinn hefði horfið hvort sem var. Magnús þurfti að ráða sjálfur við texta, verð og dagatal án þess að kalla til forritara. Skilmálar og persónuvernd urðu líka að standast skoðun áður en fyrsta greiðslan bærist.

Nálgun

Vefurinn keyrir á ofan á með aðgangsreglum () á hverri töflu. Bókunarvélin býr í gagnagrunninum sjálfum. Hver brottför tekur frá jeppann og leiðsögumanninn og hafnar bókun sem skarast við aðra, jafnvel þótt tveir reyni á sömu sekúndu. Meðan gestur greiðir heldur kerfið tímanum í stundarfjórðung. Kortaform birtist inni á síðunni. Greiðslan staðfestist bæði með undirrituðu vefkrókskalli og reglulegri yfirferð, svo engin greiðsla týnist þótt tenging rofni. Bókun á netinu lokar 48 tímum fyrir brottför, þegar endurgreiðsluréttur fellur niður. Stjórnborðið er á íslensku og krefst -kóða við innskráningu. Þar skráir Magnús bókanir úr síma og sendir gestinum greiðslutengil. Við kortlögðum 36 gamlar Weebly-slóðir, settum upp skipulögð gögn fyrir leitarvélar og opnuðum vefinn fyrir gervigreindarþjónum með MCP.

Niðurstaða

Vefurinn opnaði 14. október 2026. Gestir bóka og greiða á netinu og fá staðfestingu, skilmála og dagatalsskrá í pósti um leið. Magnús fær póst um hverja bókun og sér stöðu hennar í stjórnborðinu. Kvöldið fyrir ferð fær gesturinn áminningu og daginn eftir eina beiðni um umsögn á Tripadvisor. Gömlu Weebly-slóðirnar vísa á réttar síður. Merkið á vefnum er sjálf skráin hans Magnúsar, ekki endurteikning.

Greiðslutengill

Flestir gestir bóka á netinu en sumir hringja. Áður þýddi það millifærslu og eftirfylgni. Nú skráir Magnús símabókunina í stjórnborðinu og tíminn er tekinn frá um leið. Einn smellur á „Senda greiðslutengil“ opnar greiðslu hjá fyrir það sem er ógreitt og sendir gestinum tengil í pósti á hans eigin máli. Tengillinn opnar síðu á mudshark.is með kortaformi . Þegar gesturinn hefur greitt fær hann sömu staðfestingu og þeir sem bóka á netinu, og Magnús fær póst. Ef tengillinn rennur út sendir Magnús nýjan og sá gamli hættir að bjóða greiðslu. Greiði gesturinn samt tvisvar skráir kerfið endurgreiðslu í bið í stað þess að halda peningunum.

Lykileiginleikar

01Bókunardagatal sem sýnir aðeins tíma þegar jeppinn og leiðsögumaðurinn eru lausir
02Kortagreiðsla hjá inni á síðunni, staðfesting í pósti um leið
03Tvíbókun útilokuð í gagnagrunninum sjálfum, ekki bara í viðmótinu
04Greiðslutenglar fyrir bókanir sem berast í síma eða tölvupósti
05Stjórnborð á íslensku með -innskráningu og neyðarkóðum
06Bókanir, ferðir, dagatal, síðutextar, spurningar og pósttextar á einum stað
07Áminning kvöldið fyrir ferð og ein beiðni um umsögn daginn eftir
08Enska á aðalslóð, íslenska undir /is, ljóst og dökkt þema
09OCTO-viðmót svo endursöluaðilar geta selt sömu brottfarir
10MCP-þjónn, og fyrir gervigreindarþjóna
1136 gamlar Weebly-slóðir sem vísa á réttar síður
12Eigin vefmælingar án vafrakaka og samþykki sem er skráð

Bókunarvél

01Hver ferð lýsir því hvað hún tekur frá, jeppa og leiðsögumann, og hversu lengi að meðtalinni heimferð
02 hafnar skörun með útilokunarskilyrði, svo tvíbókun er ekki möguleg þótt tveir reyni samtímis
03Tíma er haldið í stundarfjórðung meðan gesturinn greiðir og hann losnar sjálfkrafa ef greiðslan berst ekki
04Bókun á netinu lokar 48 tímum fyrir brottför, á sama tíma og endurgreiðsluréttur fellur niður
05Árstíðir og vikudagar á hverja ferð, lokaðir dagar í dagatali stjórnborðsins
06Dagatalið opnast á fyrsta mánuði sem á lausan dag, svo gestur sér aldrei tóman mánuð fyrst
07Skilmálaútgáfan sem gesturinn samþykkti er skráð með hverri bókun

Greiðslur

01Kortaform birtist inni á bókunarsíðunni, kortanúmer fara aldrei um okkar þjóna
02Vefkrókar frá eru sannreyndir með dreifilyklaundirskrift áður en nokkuð er skráð
03Regluleg yfirferð spyr um opnar greiðslur, svo staðfesting berst þótt vefkrókur glatist
04Greiðslutengill fyrir símabókanir: einn smellur í stjórnborðinu, gesturinn greiðir með korti á eigin síðu
05Tengillinn ber leynilykil sem aðeins er geymdur sem SHA-256 hash
06Tvígreiðsla, röng upphæð og greiðsla eftir afbókun eru skráðar sem endurgreiðsla í bið, aldrei haldið eftir
07Endurgreiðslur gerir Magnús sjálfur í og merkir þær greiddar í stjórnborðinu

Stjórnborð

01Allt á íslensku, með hjálparsíðu sem lýsir hverju verki skref fyrir skref
02Yfirlit yfir næstu ferðir, útistandandi greiðslur og sölu síðustu 30 daga
03Skrá bókun úr síma: tími tekinn frá strax, greitt eða ógreitt
04Afbókun sem reiknar endurgreiðslurétt út frá því hvenær afbókunin barst, í pósti eða síma
05Ritill fyrir ferðir á báðum málum: verð, lengd, hámarksfjöldi, árstíð og myndir
06Spurningar og svör, síðutextar og texti allra pósta á ensku og íslensku
07Söluskýrsla eftir mánuðum og ferðum, sækjanleg sem
08Leitarvélasíða sem sendir allar síður til Bing og annarra með í einu

Póstur

01Staðfesting með skilmálunum í viðhengi og dagatalsskrá fyrir ferðina
02Áminning kvöldið fyrir ferð: tími, sótt á gististað, fatnaður og hvað gerist ef veðrið bregst
03Ein beiðni um umsögn á Tripadvisor daginn eftir, sem gesturinn getur afþakkað
04Póstur til Magnúsar um hverja bókun, greiðslu og endurgreiðslu sem þarf að gera
05Innskráningarpóstar fara um sama sniðmát í gegnum Send Email-krók, allt frá mudshark.is

Persónuvernd og öryggi

01 á hverri töflu: almenningur les aðeins birtar ferðir og getur aldrei lesið bókanir
02Sími, gististaður og athugasemdir gesta eyðast 90 dögum eftir ferð, nafn og greiðslur eru geymd vegna bókhalds
03Hætt við greiðslur eyðast sjálfkrafa ef engin greiðsla barst
04Vafrakökusamþykki í flokkum, hvert val skráð sem sönnun, mælingar Google og Meta aðeins eftir samþykki
05Eigin vefmælingar án vafrakaka og án IP-talna
06 með nonce í stjórnborðinu, fjöldatakmörkun á formum og innskráningu
07Skilmálar, persónuverndarstefna og aðgengisyfirlýsing á báðum málum

Leitarvélar og gervigreind

0136 gamlar Weebly-slóðir vísa á réttar síður í einu stökki, há- og lágstafir skipta ekki máli
02Skipulögð gögn: ferðaskrifstofa, leiðsögumaður með doktorsgráðu, ferðir með verði og spurningar og svör
03Sitemap og fyrir ensku og íslensku, fyrir hverja síðu
04MCP-þjónn sem gervigreindarþjónar tala við til að finna ferðir og lausa daga
05 í vafranum og sem lýsir vefnum fyrir mállíkönum
06-próf fyrir gervigreindarvafra keyrir á hverri breytingu

Í tölum

52: Dagar frá verklýsingu til opnunar
6: Ferðir sem bókast á netinu
0: Tvíbókanir mögulegar
48 klst.: Bókun lokar fyrir brottför
36: Gamlar Weebly-slóðir sem vísa rétt
40: Sjálfvirk prófasett

Tæknistakkur

og , hýst á . með aðgangsreglum á hverri töflu og 33 útgáfustýrðum breytingum. Bókunarvélin er í -föllum með útilokunarskilyrðum. sér um yfirferð greiðslna, áminningar og eyðingu gagna. Greiðslur um , póstur um . OCTO-viðmót fyrir endursöluaðila og MCP-þjónn fyrir gervigreindarþjóna. 40 prófasett, þar á meðal heildarpróf á greiðsluferli gegn staðbundnum gagnagrunni og hermdu .

Next.js 16
React 19
TypeScript
Tailwind CSS v4
next-intl
Supabase Postgres
Supabase Auth (TOTP MFA)
pg_cron
Teya
Resend
OCTO API
Model Context Protocol
Zod
Playwright
Vercel

Skyld þjónusta

Tengd verk

(2)

01 / 072026

Ríkisstofnun · Orkurannsóknir

isor.is

Nýr vefur Íslenskra orkurannsókna. ÍSOR er leiðandi íslenskt alþjóðlegt fyrirtæki sem veitir jarðvarmaiðnaðinum sérfræðiráðgjöf og tæknilega þekkingu á sviði jarðvísinda, bæði fyrir háhita- og lághitasvæði.

Skoða →

03 / 072026

Ráðgjöf · Markaðsmál

manhattan.is

Nýr vefur Manhattan ehf. Manhattan er markaðs-, stjórnunar- og ráðgjafastofa með áratuga reynslu af íslensku atvinnulífi.

Skoða →