Hoppa í aðalefni
05 / 07 · Gagnabjörgun · Innra kerfi2024

datatech.is

Ný vefsíða Datatech ehf. Frumkvöðlar í gagnabjörgun á Íslandi með yfir 14 ára reynslu.

Yfirlit

Datatech er fyrsta sérhæfða gagnabjörgunarfyrirtækið á Íslandi og móðurfyrirtæki Vefapps. Innra kerfið heldur utan um hvert verk frá skráningu til afhendingar: tilboð, reikninga í Payday, sendingarmiða hjá Póstinum og Dropp, SMS og tölvupóst. Það vinnur líka sjálft. Það bókar sendingarmiða, sér þegar reikningur er greiddur og lokar beiðnum þegar búnaðurinn berst aldrei. Opinberi vefurinn er á fjórum tungumálum og er leiðin inn í verkbeiðnakerfið.

Gagnabjörgun · Innra kerfi

Þetta er bara skjáskot, betra að skoða síðuna sjálfa: datatech.is

Gagnabjörgunarþjónusta

Þetta er bara skjáskot, betra að skoða síðuna sjálfa: datatech.is

Blogg

Áskorun

Gagnabjörgunin var áður rekin í Monday.com fyrir verkbeiðnir, með Excel og Outlook til hliðar og reikninga slegna inn handvirkt í enn öðru kerfi. Hvert verk fór í gegnum mörg þrep: innskráning drifs, greining, endurheimt, afhending og reikningur. Ekkert þeirra bjó í einu kerfi, svo mistök urðu. Monday hentaði verkinu aldrei.

Nálgun

Við smíðuðum verkbeiðnakerfi þar sem hvert verk hefur eitt númer, eina stöðu og eina tímalínu. Viðskiptavinurinn skráir beiðni á vefnum og velur hvort hann komi sjálfur með búnaðinn eða fái sendingarmiða frá Póstinum eða Dropp í tölvupósti. Tilboð fara út sem vefsíða sem viðskiptavinurinn samþykkir eða hafnar sjálfur. Reikningar fara beint í Payday og kerfið les greiðslustöðuna til baka. Endurheimt gögn eru afhent á læstri niðurhalssíðu og svör viðskiptavina í tölvupósti lenda á réttri beiðni. Föst verk keyra á tímaáætlun: áminningar, eftirfylgni og lokun mála sem stöðvast. Bakendinn keyrir í London, í sömu borg og gagnagrunnurinn, og stjórnborðið svarar því hratt.

Niðurstaða

Eitt kerfi heldur utan um hverja endurheimt frá upphafi til afhendingar, og margt sem áður var handavinna gerist sjálft. Viðskiptavinir vita hvenær búnaðurinn er kominn, hvenær tilboð bíður og hvenær sendingin er á leiðinni, án þess að neinn þurfi að skrifa þeim. Starfsfólk sér á einum stað hvað bíður, hvað er greitt og hvað þarf að gera næst.

Lykileiginleikar

  1. 01Verkbeiðnir eru raktar frá skráningu til afhendingar og birtar eftir stöðu, á kanban-borði eða í einum lista
  2. 02Tilboð birtast á vefsíðu sem viðskiptavinurinn samþykkir eða hafnar sjálfur, ásamt PDF-útgáfu
  3. 03Reikningar fara beint í Payday og staðfest greiðsla er skráð á beiðnina sjálfkrafa
  4. 04Sendingarmiðar frá Póstinum og Dropp eru bókaðir og sendir viðskiptavininum sjálfkrafa
  5. 05SMS og tölvupóstur fara út við stöðubreytingar, og starfsfólk getur tímasett SMS fyrir fram
  6. 06Endurheimt gögn eru afhent á læstri niðurhalssíðu, allt að 5 TB í hverri skrá
  7. 07Vefurinn og bloggið eru á fjórum tungumálum: íslensku, ensku, pólsku og spænsku
  8. 08Gagnagrunnurinn og bakendinn eru í London og gögn viðskiptavina haldast í Evrópu

Vinnuflæði

  1. 01Hvert verk hefur eitt einkvæmt númer, eina stöðu og eina tímalínu, frá skráningu til afhendingar
  2. 02Starfsfólk velur hvernig það sér verkin: flokkuð eftir stöðu, á kanban-borði þar sem spjald er dregið milli dálka, eða í einum lista
  3. 03Skipanaspjald (Cmd/Ctrl+K) finnur beiðni eftir númeri, nafni, netfangi, síma eða kennitölu og opnar hvaða síðu stjórnborðsins sem er
  4. 04Breytingasaga á hverju verki: hver gerði hvað, hvenær og með hvaða athugasemd
  5. 05Svör viðskiptavina í tölvupósti lenda beint á réttri beiðni
  6. 06Sérstök merki fyrir flýtiverk, neyðarþjónustu og enduropnuð verk
  7. 07Merkimiðar með kóða eru prentaðir til að merkja búnað

Sjálfvirkni

  1. 01Velji viðskiptavinur Dropp er miðinn bókaður og sendur honum í tölvupósti strax, með vörn gegn tvíbókun
  2. 02Kerfið les stöðu opinna reikninga í Payday reglulega og skráir greiðsluna á beiðnina, því Payday sendir engar tilkynningar sjálft
  3. 03Berist búnaður ekki fær viðskiptavinurinn áminningu eftir viku, og svari hann engu lokast beiðnin sjálf fimm dögum síðar
  4. 04SMS má tímasetja á ákveðinn dag og tíma, og því má breyta eða hætta við þar til það fer
  5. 05Áminning fer út þegar tilboði eða þjónustukönnun er ósvarað og þegar niðurhalstengill er að renna út
  6. 06Sá sem hafnar tilboði velur um leið hvað verður um búnaðinn: að fá hann sendan til baka, sækja hann eða láta farga honum

Samþættingar

  1. 01Payday.is : reikningur fer beint frá verkbeiðni án handvirkrar skráningar, greiðslukrafa fer í heimabanka viðskiptavinar og greiðslan er lesin til baka
  2. 02Pósturinn.is : sendingarmiði sem viðskiptavinurinn notar til að senda búnaðinn inn
  3. 03Dropp.is : miðar fyrir búnað á leið inn, og endursending á þá Dropp-stöð sem viðskiptavinurinn velur
  4. 04: tölvupóstur á tungumáli viðskiptavinarins, sniðmát sem starfsfólk breytir sjálft og móttaka svara
  5. 05: kortagreiðslur í vefverslun
  6. 06 Auth fyrir starfsfólk með tveggja þátta auðkenningu
  7. 07Google Analytics og Meta Pixel hlaðast aðeins eftir samþykki (Consent Mode v2)

Vefurinn og efnið

  1. 01Vefurinn er á íslensku, ensku, pólsku og spænsku, og tölvupóstur fer á því tungumáli sem viðskiptavinurinn notaði
  2. 02Þjónustubeiðnin tekur við mörgum tækjum í einu, hvert fær sína beiðni, og spurt er hvort drif sé dulkóðað
  3. 03Árangurshlutfallið á vefnum er reiknað daglega úr raunverulegum verkum síðustu 12 mánaða
  4. 04Gagni, spjallmenni byggt á , svarar spurningum á öllum síðum og vísar á þjónustubeiðnina
  5. 05 leggur til efni og skrifar drög að bloggfærslu í hverri viku, en ekkert birtist fyrr en starfsmaður hefur farið yfir það
  6. 06Bloggfærslur eru skrifaðar á íslensku og þýðir þær á hin þrjú tungumálin þegar þær birtast. Þýðingu sem hefur verið breytt í höndunum er aldrei skrifað yfir sjálfkrafa
  7. 07Birtar greinar deilast á Facebook og Instagram, eftir því sem hakað er við í ritlinum
  8. 08MCP-þjónn og leyfa gervigreind að lesa þjónustuna fyrir notandann og útbúa beiðni sem hann sendir sjálfur
  9. 09Vefurinn var yfirfarinn eftir 2.2 AA í ljósu og dökku þema, og aðgengisstefna er birt

Þjónusta og rekstur

  1. 01Almenningssíðan birtir tegundir búnaðar og verðlista og vísar á þjónustubeiðnina
  2. 02Yfirlitið sýnir hvað er í gangi, nýjar beiðnir á dag og stutta tilboðsskýrslu með samþykkishlutfalli og svartíma
  3. 03Aðgangsstýring eftir hlutverki: hver notandi sér aðeins það sem hlutverkið leyfir
  4. 04Stjórnborðið er til í ljósu og dökku þema
  5. 05Bakendinn keyrir við hlið gagnagrunnsins og síður sækja gögnin samhliða, ekki eitt í einu
  6. 06Verk má opna aftur ef viðskiptavinurinn snýr aftur með nýtt vandamál

Hraði

  1. 01Hjá Google PageSpeed mælist datatech.is í 99 fyrir hraða á borðtölvu. Efnið birtist á þriðjungi úr sekúndu og útlitið helst nánast alveg stöðugt.
  2. 02Bæði leitarvélabestun og aðgengi fá fullt hús, og bestu starfsvenjur sitja í efsta flokki.
Google PageSpeed Insights skýrsla fyrir datatech.is: hraði 99, aðgengi 100, bestu starfsvenjur 96, SEO 100
Google PageSpeed Insights · borðtölva

Tæknistakkur

  • Next.js
  • TypeScript
  • Tailwind CSS
  • Supabase Postgres
  • Resend
  • Payday.is API
  • Pósturinn.is API
  • Dropp.is API
  • Teya
  • Wasabi S3
  • Claude API
  • Meta Graph API
  • Vercel

Skyld þjónusta

Tengd verk

(2)